Forsíða

Fyrsta folald ársins

Hér er mynd af fyrsta folaldi ársins sem þjófstartaði árinu 2012 með því að fæðast á stórhríðardaginn 10. janúar

Hann er undan Blálilju frá Hafsteinsstöðum og heitir Broddi

Við vorum svo lánsöm að hljóta titilinn Ræktunarbú Skagafjarðar 2010,

annað árið í röð

"Afreksverðlaun HSS

Ófeigsbikarinn - hlýtur hrossaræktarbú ársins. Það voru Hafsteinsstaðir

sem voru hlutskarpastir. Er það ekki síst athyglisverður árangur fyrir

þær sakir að Hafsteinsstaðir unnu einnig þennan titil á síðasta ári og þá

á grunni annarra hrossa en í ár en sömu hrossin geta ekki talið til stiga

tvisvar hjá því búi sem vinnur. Í ár skipti sköpum glæsilegur árangur

Hafsteinsstaðahrossanna á Íslandsmóti en 6 hross frá búinu kepptu þar til

úrslita og þar á meðal varð Drífa Íslandsmeistari." (Tekið af fréttavef HSS)

Í haust fór Hróarskelda okkar í fósturvísaflutninga

til Guðmars á Sandhólaferju og eigum við nú von

á tveimur folöldum næsta sumar undan henni og Loka frá Selfossi.

Hróarskelda er nú í eigu hjónanna í Þjóðólfshaga I,

Sigurðar Sigurðarsonar og Sigríðar Arndísar Þórðardóttur

Seyðir og Lúkas frá Hafsteinsstöðum voru báðir í A-úrslitum á Íslandsmótinu í sumar 2010.

Knapi á Lúkasi er Anna Valdimarsdóttir og knapi á Seyði er Þórarinn Eymundsson

Félagsmót Léttfeta var haldið 21. ágúst 2010.

Skapti og Hróarskelda frá Hafsteinsstöðum unnu B-flokkinn með 8,68 og í þriðja sæti varð Steingrímur

frá Hafsteinsstöðum með varaknapann Egil Bjarnason. Hróarskelda var kosin glæsilegasti

hestur mótsins.

Í A-flokki vann Skapti líka á Dofra frá Úlfsstöðum með 8,50 og Kolbeinn frá Hafsteinsstöðum

og varaknapinn Egill Bjarnason lenti í 4 sæti.

A-flokkur Skapti lengst til vinstri á Dofra og Egill fjórði frá vinstri á Kolbeini

B-flokkur Skapti lengst til hægri á Hróarskeldu og Egill þriðji frá hægri á Steingrími

Fleiri greinar...